MADHURAVANI  TELUGU MAGAZINE

కవిత

​

వేకువ లాంటిది జ్ఞాపకం 

తొలి సూర్య కిరణం విసిరి 

మేలుకొలుపు పాడుతుంది  -

శ్రావణ మేఘం లాంటిది జ్ఞాపకం 

ఒక్క మెరుపుదెబ్బ కొట్టి 

ఇంత  కన్నీరు కుండపోత పెట్టి 

వాసనలు మాత్రం మిగిల్చి చక్కాపోతుంది - 

తొడిమలాంటిది జ్ఞాపకం 

ఎప్పుడో రాలిన పువ్వుకి సంకేతం.. 

అగరువత్తికొస ఎరుపులాంటిది జ్ఞాపకం 

చురుక్కున తగిలి పరిమళిస్తుంది .. 

మనస్సు తోటలో హరిచందనం జ్ఞాపకం 

మహదాశీర్వచనం జ్ఞాపకం -